Дорноговь аймгийн Сайншандын 1-р сургуулийн багш нартаа

 “Цахим сургалт” төслийн Гүйцэтгэгч-менежментийн багийн зөвлөмж

2012.03.30                                                                        Улаанбаатар хот

Төслийн 3-р ээлжийн сургалтын хөтөлбөрийн дагуу  “OO Spread Sheet програмыг сургалтад хэрэглэх нь”,  “Цахим тест, судалгаа хийх аргачлал” сэдвээр  сургуулийн сургагч багш нараас суралцагч багш нартаа сургалт явуулах ажлыг 04.09-04.13-ны хугацаанд зохион байгуулахыг зөвлөж байна.

Төслийн сургалтад хамрагдаагүй  багш нарт сургалт явуулах ажлыг үр дүнтэй зохион байгуулах хэрэгтэй байна.

Сургалтад хамрагдаагүй  багш нарт явуулах сургалтыг  2 хэлбэрээр зохион байгуулж болно.

1. Сургуулийн сургагч багш бүр 1 багш хариуцаж авч, сургалт явуулах
2. Мэдээлэл зүйн болон сургагч багш нараас бүрдсэн  баг бүрдүүлж, сургалт явуулах Үүнд:

-       Сургалтын багийн сургалт явуулах хуваарь гаргах, Сургалтын менежерүүд батлах

-       Сургалт удирдах сургагч багшийн болон суралцах багш нарын нэрс гаргах

-       Сургалтын менежерүүд сургалтын явц,  үр дүнд хяналт  тавих,  ирцийн бүртгэл хөтлөх

-       Жнь:                    “Цахим сургалт” төслийн сургалтын хуваарь

-       Сургалтын багийн 1 гишүүн нь сургалт удирдах, бусад гишүүд нь туслах багшаар ажиллах байдлаар зохион байгуулах нь үр дүнтэй байдаг.

2012.04.16-04.22-ны хугацаанд “Нэгж хичээлийн хөтөлбөрийг цахим хэлбэрээр боловсруулах нь” сэдвээр 42 цагийн  сургалт  явагдана.

Сургалт явагдахаас өмнө сургуулийн сургагч багш бүр сургалтын хөтөлбөр, төлөвлөгөөний  дагуу 4-р улиралд заах 1 нэгж хичээлийн хөтөлбөрт орох  ээлжит хичээлийн цахим сургалтын хэрэглэгдэхүүн, цахим тест, судалгаа боловсруулсан байх шаардлагатай.

Сургалтын хугацаанд багш бүр 1 нэгж хичээлийн хөтөлбөр цахим хэлбэрээр бэлтгэх ба ээлжит хичээлийн цахим сургалтын хэрэглэгдэхүүнээ урьдчилан бэлтгээгүй тохиолдолд сургалтын цаг хүрэлцэхгүй хүндрэл үүсэх болно.

Сургагч багшийн боловсруулсан нэгж хичээлийн иж бүрэн цахим хөтөлбөр нь төслийн сургалтын  үр дүнг тооцох шалгалтын үнэлгээ болох төдийгүй төслийн тайлан-үзэсгэлэн дээр бичгийн цаасан дээр хэвлэсэн байдлаар  болон дэлгэцээр үзүүлэх болно гэдгийг анхаарч бэлтгэлээ сайн хангах, сургалтын хугацаанд идэвх чармайлттай, үр дүнтэй суралцах хэрэгтэй юм.

3. Төслийн 4-р шатны сургалтын хугацааны талаар

4-р шатны сургалт 2 ээлжээр явагдах бөгөөд 8.00-12.50 цагт 1-р ээлж, 13.30-18.20 цагт 2-р ээлжийн сургалт хичээллэнэ.

04.16-04.22-ны хугацаанд 4-р шатны сургалтын хөтөлбөр, төлөвлөгөөний дагуу 42 цагийн хичээл,  04.23, 04.24-ны өдрүүдэд  12 цагийн давтлага хичээл, нийт 54 цагийн сургалт өглөө, өдрийн групп тус бүрд явуулахаар төлөвлөж байна.

04.21,04.22-ны Бямба, Ням гаригуудад багш нар сургалтад суухыг хүсэхгүй тохиолдолд өглөө, өдрийн групп тус бүрд

04.16-04.20-ны Даваа-Баасан гаригуудад 6 цаг х 5 өдөр=30 цаг

04.23-04.26-ны Даваа-Баасан гаригуудад 6 цаг х 4 өдөр=24 цаг, нийт 54 цагийн сургалт явагдах болно.

Дээр дурдсан сургалтын хугацааны аль нь тохиромжтой талаар  хариу өгнө үү.

4-р шатны сургалт нь төслийн сүүлийн сургалт тул  үр дүнтэй явуулахын тулд багш нарынхаа зүгээс хоцрох, таслах, цагаас эрт тарах зэрэг  идэвхгүй байдал үзүүлэхгүй байх тал дээр сургуулийн удирдлагууд онцгойлон анхаарал тавихыг хүсч байна

Төслийн 3-р шатны тайлан 04.06-ны өдрийн дотор ирүүлэх шаардлагатай байна. Тайланд:

-       төслийн 3-р шатны үйл ажиллагааны төлөвлөгөөний заалт бүрээр хийсэн ажил /фото зургаар баяжуулсан байх/

-    Сургалтын менежер бүр хариуцсан багш нарынхаа сургалтын блог, дотоод удирдлагын програм, цахим хичээл, хэрэглэгдэхүүн гэсэн 3 үзүүлэлтээр ажил дүгнэсэн үнэлгээ

-   Нийгмийн ажилтан нь дотоод удирдлагын програм руу оруулсан багшийн зураг, мэдээлэл, АУБ нар даасан ангийн сурагчдын зураг, мэдээлэл, судалгаа оруулсан эсэхийг шалгаж, үнэлгээ өгсөн тайланг  хавсаргах хэрэгтэй. 

Амжилт хүсье!!!

Бид хамтдаа хүчтэй!!!