Төслийн 1-р шатны явцын тайлан, 01.09-01.13
2012-01-14,01:18
Дорноговь аймгийн Сайншанд сумын 1-р дунд сургууль дээр хэрэгжиж буй “Цахим сургалт” төслийн тайлан
Хугацаа: 2012.01.09 – 2012.01.13
- “Цахим сургалт” төслийн 1-р шатны үйл ажиллагааны төлөвлөгөөний хэрэгжилтийг хангах талаар:
Мөн www.tsahimsurgalt-dgovi1.blogmn.net блогоор орж, хэрэгцээт мэдээ мэдээлэл, зөвлөмжүүдийг цаг алдахгүй үзэн судлаж байна.
Монголын багш нарын баярыг тохиолдуулан нийт багш нар, ЗАН-н дунд “Цахим сургалт” төслийн хүрээнд “Шилдэг цахим хэрэглэгдэхүүн, хичээл” шалгаруулах уралдаан 2012.01.16 -2012.02.03-ны хугацаанд зохиох удирдамж гаргалаа.
- Цахим сургууль дотоод удирдлагын програмын үйл ажиллагаа:
Дотоод удирдлагын програмд дутагдалтай зүйл их байгааг анхаарна уу. Жишээлбэл Сайншанд гэсэн хот, сум байхгүй, мөн Сайхандулаан сум 2, Өргөн сум 2 удаа давтагдан орсон байна.
Системийн алдааг удаа дараа хэлж байгаа боловч компанийн зүгээс хариу ирүүлэхгүй байгааг анхаарна уу. Мөн 2-р шатны сургалтаар Наран Терминал компанийн сүлжээний инженерээс ирүүлэхийг хүсье!
Учир нь системийн баазаа зөөх, сервер компьютераа сүлжээнд холбох тал дээр асуудалтай, мөн сургуулийн сүлжээ 2 өөр болсоноос суралцагчид өөрсдийн дүнгээ харах боломжгүй болсон сул тал ажиглагдаж байна. Манай сургуулийн нь Багш хөгжлийн төв Мобинэт сүлжээтэй, харин сургуулийн бусад газар аймгийн ЦХ-ны сүлжээтэй болоод IP хаяг зөрөх асуудал үүссэн болно.
- Сургуулийн вэб сайтын талаар:
Сургуулийн вэб сайтыг 2012.01.22-ны өдөр дуусгаж, ашиглалтанд оруулах төлөвлөгөөтэй ажиллаж байна. Мөн сургуулийн вэб сайт хөтлөх суралцагчдыг сонгон, 10б ангийн Ц.Заяа, Э.Мөнх-Эрдэнэ болон нийгмийн ажилтан М.Мөнхбаатар багшийн удирдлаган дор сургуулийн хүүхдийн оролцооны байгууллагатай хамтран мэдээ мэдээлэл цуглуулах редакци байгуулан ажиллаж байна.
Тайлан бичсэн: Багш хөгжлийн төвийн арга зүйч, мэдээлэл зүйн багш З.Ганзориг
бичсэн: Сургалтын блог төрөл: Төслийн 1-р шатны үйл ажиллагаа |
(0) Сэтгэгдэл | найздаа илгээх | Уншсан: 181 удаа