Төслийн 1-р шатны явцын тайлан №2, 12.26
Дорноговь аймгийн Сайншанд хотын Нэгдүгээр дунд сургууль дээр хэрэгжиж буй “Цахим сургалт” төслийн тайлан
2011.12.05 – 2011.12.23
“Цахим сургалт” үйлдлийн системийн сургалтын талаар:
Дорноговь аймгийн Сайншанд сумын Нэгдүгээр сургууль нь сургалтын хуваарь, хөтөлбөр гарган ажиллалаа. Сургалтанд сургуулийн нийт багш нар хамрагдан суралцав. Сургагч багшаар З.Ганзориг О.Ундрахчимэг, П.Золжаргал нар тэргүүлэн сургалт явуулав. Сургалт явагдахад элдэв бэрхшээл тулгарсангүй.
Сургалтанд хамрагдсан суралцагч багш болон сургагч багш нар сургалтын цахим хэрэглэгдэхүүн бэлдэн dornogovi_1surguuli@yahoo.com хаягаар хичээлүүдээ явуулж байна. Одоогийн байдлаар цахим хэрэглэгдэхүүн явуулсан 20 багш, цахим хичээл явуулсан 1 багш байна.
Цахим сургууль дотоод удирдлагын програмын үйл ажиллагаа:
Дотоод удирдлагын програмд багш нар өөрийн хувийн мэдээллээ оруулж дууссан. Мөн анги даасан багш нар, суралцагчийн мэдээллийг оруулав. Анги даасан багш бүрт 5 цаг суух хуваарь гарган, суралцагчийн мэдээллээ оруулав. Суралцагчийн мэдээлэл оруулалт одоогоор 68% - тай явж байна.
Сургуулийн вэб сайтын талаар:
Наран Терминал компаниас сургуулийн вэб сайтыг 2011.12.22 өдөр хийж дууссан гэсэн мэдээлэл ирсэн. Сургуулийн удирдлага хуралдан, БСШУЯ – тай ярилцаж, сургуулийн вэб сайт байшруулах сул хост асууж байгаа тул түр хугацаагаар вэб сайтаа ажиллагаанд оруулаагүй байна.
Тайлан бичсэн: Багш хөгжлийн төвийн арга зүйч багш З.Ганзориг